काठमाडौं। पोर्चुगलका डिफेन्डर पेपेले सन्यास लिएका छन् । ४१ वर्षीय पेपेले सामाजिक सञ्जालमा एक पोस्ट् गर्दै खेल जीवनबाट सन्यास लिएको घोषणा गरेका छन् ।

आफ्नो खेल जीवनमा उनले पोर्चुगलका लागि १४१ खेल खेलेका छन् । अन्तिम पटक युरो कपको क्वार्टरफाइनलमा फ्रान्सविरुद्ध उनी मैदानमा उत्रिएका थिए । जसमा पेनाल्टी सुटआउटमा ३–२ ले स्तब्ध हुँदै पोर्चुगल प्रतियोगिताबाटै बाहिरिएको थियो । आफ्नो खेल करिअरको अन्तिम खेलमा पराजित बनेपछि उनी रुन पुगेका थिए । जसले मैदानको वातावरणलाई निकै भावुक बनाएको थियो ।

पोर्चुगलका स्टार स्ट्राइकर क्रिस्टियानो रोनाल्डोले सामाजिक सञ्जालमार्फत सन्यास घोषणा गरेका आफ्ना पूर्वसहकर्मीलाई बधाई ज्ञापन गरेका छन् ।