पृथ्वी राजमार्गको दुई स्थानमा पहिरो, आवागमन अवरुद्ध

मासु खाँदा हड्डी अड्किए के गर्ने, के नगर्ने ?

पृथ्वी राजमार्गको दुई स्थानमा पहिरो, आवागमन अवरुद्ध — फायल तस्बिर

नेपालवाच २०८१ साउन ३० गते ८:२७

काठमाडौं । पृथ्वी राजमार्गको दुई स्थानमा पहिरो खसेपछि आवागमन ठप्प भएको छ । मंगलबार रातिदेखि परेको अविरल वर्षाले मौवाखोलामा पहिरो र चुम्लिङटारमा ढुंगा खसेपछि आवागमन दुईतर्फी अवरुद्ध बनेको हो ।

सुरुमा मौवाखोलामा खसेको पहिरो हटाएर एकतर्फी सवारी आवागमन गराइएको थियो । त्यसको केही समयपछि चुम्लिङटारमा पनि ढुंगा खसेपछि दुईतर्फकै आवागमन ठप्प भएको हो ।

देशकै मुख्य राजमार्ग पहिरोले अवरुद्ध बनेपछि दुईतर्फ नै सवारीको लामो लाइन लागेको छ ।

जिल्ला प्रहरी कार्यालय, चितवनले सडकमा खसेको पहिरो र ढुंगा हटाएर सवारी सञ्चालन गर्ने प्रयास भइरहेको जनाएको छ ।