काठमाडौं । भोलिबाट भदौ महिना सुरू हुँदैछ । वाणिज्य बैंकहरूले भदौको लागि नयाँ ब्याजदर सार्वजनिक गरेका छन् । भदौ महिनाका लागि १२ वाणिज्य बैंकले ब्याजदर घटाएका छन् ।

हाल सञ्चालनमा रहेका २० वाणिज्य बैंकहरूमध्ये १२ वटा वाणिज्य बैंकहरूले घटाएर ब्याजदर सार्वजनिक गरेका हुन् ।

घटाएर ब्याजदर सार्वजनकि गर्ने बैंकहरूमा प्रभु, नेपाल इन्भेस्टमेन्ट मेगा बैंक, एनआईसी एसिया, राष्ट्रिय वाणिज्य, नेपाल एसबीआई, सानिमा, सिद्धार्थ, एनएमबी, हिमालयन, एभरेस्ट, कृषि विकास हुन् ।

भदौको लागि सात वाणिज्य बैंकले ब्याजदर स्थिर राखेका छन् । ती बैंकहरूमाम स्टान्डर्ड चार्टर्ड, नबिल, ग्लोबल आईएमई, लक्ष्मी सनराइज, सिटिजन्स, माछापुच्छ्रे र कुमारी रहेका छन् ।

त्यस्तै प्राइम कमर्सियल बैंकले भने निक्षेपमा ब्याजदर बढाएर सार्वजनिक गरेको छ ।

प्रभु बैंकले व्यक्तिगत निक्षेपतर्फ ६.१ प्रतिशत ब्याज दिने भएको छ । त्यस्तै सानिमा ६.२, नेपाल इन्भेस्टमेन्ट मेगा बैंकले ६.५ प्रतिशत ब्याज दिने भएको छ ।

एनआईसी एसिया ७.४१, राष्ट्रिय वाणिज्यले ६.०७ प्रतिशत, नेपाल एसबीआईले ६.२५, सिद्धार्थ ६.५, एनएमबी ७.४१, हिमालयन ७ र एभरेस्ट ६.१ र कृषि विकास बैंकले ६.०६५ प्रतिशत ब्याज दिने भएको छ ।