काठमाडौं । सुनको मूल्य पुनः वृद्धि भएको छ । अघिल्लो दिनको तुलनामा प्रतितोला रु. १ हजार ३०० रूपैयाँले सुनको भाउ बढेको हो ।

नेपाल सुनचाँदी व्यवसायी महासंघका अनुसार शुक्रबारका लागि सुनको भाउ प्रतितोला १ लाख ५३ हजार ३०० रूपैयाँ तोकिएको छ । बिहीबार प्रतितोला १ लाख ५२ हजार रूपैयाँमा सुनको कारोबार भएको थियो ।

सुनले मूल्यमा बनाएको यो नयाँ रेकर्ड हो । यसअघि गत भदौ १३ गते सुनको भाउ प्रतितोला १ लाख ५२ हजार २ सय रूपैयाँ पुगेको थियो ।

उता, सुनको मूल्य वृद्धि भइरहँदा चाँदीको मूल्य पनि उकालो लागेको छ । शुक्रबार चाँदीको मूल्य प्रतितोला ३० रूपैयाँले बढेको हो ।

सुनचाँदी व्यवसायी संघका अनुसार शुक्रबार चाँदी १ हजार ७९५ रूपैयाँमा कारोबार भइरहेको छ । बिहीबार चाँदी १ हजार ७६५ रूपैयाँमा कारोबार भएको थियो ।