काठमाडाैं । खेलमा भविष्य नदेखिएपछि पूर्व कप्तान पवन कुमार अग्रवाल बैंकिङ क्षेत्रतिर होमिए । क्रिकेटमा पैसा र भविष्य देख्न नसकेकै कारण अग्रवाल २७ वर्षको हुँदा क्रिकेट छाडेर बैंकिङ क्षेत्रमा होमिन पुगेका हुन् ।

आज भन्दा २५ वर्षअघि खेलखुदमा टिक्न गाह्रो अवस्था भएको हुँदा खेलकुद छाड्नुपरेको उनको भनाइ थियो । उमेरको अंक बढेपनि भविष्य नदेखिएपछि भविष्यकै लागि भनेर उनले खेलकुदबाट तिलञ्जली दिए । बीचमा पढ्न पनि गए । खेलकुदमा पैसा र करियर भइदिएको भए, आज उनी यो क्षेत्रमा नभएर खेलकुदमै हुने बताउँछन् ।

२५ वर्षअघि र आजको अवस्थामा भने खुलकुद क्षेत्रमा धेरै नै परिवर्तन भएको उनको अनुभव छ । उनका अनुसार अहिले क्यान आफै सक्षम भइसकेको र खेलाडीले पनि राम्रो आर्थिक अवस्था बनाउन सक्ने अवस्था भएको छ ।

बैंकिङ क्षेत्रमा होमिएका अग्रवाल सुरुवातमा रिलेसनसिप म्यानेजरबाट बैंकिङ क्षेत्रमा प्रवेस गरे । हाल उनी हिमालयन बैंकमा विभागीय प्रमुखको जिम्वेवारीमा छन् । ।

त्यस्तै अर्का एक पूर्व खेलाडी दिपक खेलमा भविष्य छैन भन्ने भ्रमलाई आफ्नै आत्मविश्वास र पौरखले चिरेर सफल भएका छन् ।

जीवनको तीन दशकभन्दा बढी समय खेलकुदमा योगदान पु¥याएका विष्टले खेलपछि पनि उतिकै सक्रिय छन् ।

नाम चलेका अधिकांश खेलाडीहरु पनि अहिले खेलकुदमा भविष्य छैन भनेर विदेश पलयान हुने या अन्य क्षेत्रमा संलग्न हुने गरेको देखिन्छ । विष्ट भने खेलकुदमै लागेर करोडौं कमाउनेहरु पनि रहेको उदाहरण दिन्छन् ।

उनका विचारमा नेपालमा गर्न सक्नेले जे पनि गर्छन्, नसक्नेहरु खेलकुदमामात्रै हैन, जुनसुकै क्षेत्रमा पनि टिक्न सक्दैनन् । राष्ट्रिय खेलाडी भएर सरकारकोमात्रै मुख ताकेर बस्दा निराश भइने हुँदा स्मार्ट भएर केही न केही काममा हात हाल्ने व्यक्तिलाई नेपालमै टिक्न गाह्रो नहुने उनको विश्वास छ ।

खेल जीवनबाट अवकाश भएपनि उनको सक्रियता भने घटेको छैन । अर्थात्, यही क्षेत्रबाटै आर्थिक आर्जन गर्ने काम कायमै छ । उनको नयाँ बानेश्वरमा स्पोर्टस एसेसरीजसम्बन्धी सोरुम, स्पोर्टस् युनिभर्स सञ्चालनमा छ । स्पोर्टस ब्रान्ड केल्मीमा समेत आवद्ध विष्टले ललितपुरस्थित जावलखेलमा केल्मीका प्रडक्टहरुको व्यवसाय गर्दै आउनुभएको छ । यी दुबै व्यवसायबाट विष्टले राम्रो आम्दानी गर्छन् ।

नेपालवाच र फाइनान्सियल लिट्रेसी नेपालको सहकार्यमा निर्मित टेलिभिजन कार्यक्रम ‘कुरा पैसाको’ यो एपिसोडमा हामीले नेपालमा खेलाडीको भविष्य, आर्थिक पाटो, खेलाडीको लागि सरकारले गर्नुपर्ने कार्य, खेलाडीको योगदानलगायत विषयमा केन्द्रित भएर तयार गरका हौँ । यस विषयमा केन्द्रित भएर नेपाल बैंकर्स संघका पूर्वअध्यक्ष भुवन दहालले पूर्व कप्तान पवन कुमार अग्रवालसँग गरेको पूरा कुराकानी तलको भिडियोमा हेर्नुहोस् :