काठमाडौं । हनी ट्रयापिङ गिरोहसँग मिलेको आरोपमा नेपाल प्रहरीका इन्सपेक्टर बिनुकुमारी शाहीविरुद्ध पक्राउ पूर्जी जारी भएको छ । जिल्ला अदालत ललितपुरले पक्राउ पूर्जी जारी गरेको हो ।

हाल निलम्बनमा रहेकी इन्सपेक्टर शाही भैंसेपाटी प्रभागको प्रमुख हुँदा एक व्यापारीलाई पक्राउ गरी बलात्कार मुद्दामा फसाइदिने भन्दै धम्काएर ३० लाख रुपैयाँ लिएर छाडेकी थिइन् । हनि ट्रयापिङमा संलग्न एक गिरोहसँग मिलेर उनले पैसा असुलेको पुष्टि भएपछि उनीमाथि पनि अनुसन्धान अघि बढेको हो । पक्राउ पूर्जी जारी भएलगत्तै उनी फरार भएकी छिन् ।

उनका सहयोगी रहेका हवल्दार महेन्द्र नेपाल भने पक्राउ परेका छन् । पक्राउ परेका व्यापारीलाई उनले बैंकमा पैसा लिएर गएको खुलेको छ । इटहरीको ताज इस्लाम नेतृत्वको समूहले इन्सपेक्टर शाहीसँग मिलेर यसरी असुल गरेको हो । हाल ललितपुर प्रहरीले चार जनालाई पक्राउ गरी कारबाही अघि बढाएको छ ।