काठमाडौं । शंकरदेव क्याम्पसको रिक्त क्याम्पस प्रमुख नियुक्तिका लागि प्रक्रिया अघि बढाइएको छ । त्रिभुवन विश्वविद्यालय, शिक्षाध्यक्षको कार्यालय, क्याम्पस प्रमुख छनोट समितिले आइतबार एक सूचना प्रकाशित गर्दै नियुक्ति प्रक्रिया अघि बढाएको हो ।

योग्यता पुगेका इच्छुक उम्मेदवारलाई सात दिनको समय दिएर रिक्त पदमा दरखास्त आह्वान गरिएको समितिले जनाएको छ ।

त्रिभुवन विश्वविद्यालय संगठन तथा शैक्षिक प्रशासनसम्बन्धी नियम, २०५० र त्रिभुवन विश्वविद्यालय सावधिक पदमा नियुक्तिका आधर र मापदण्डबमोजिम नियुक्ति प्रक्रिया अघि बढाएको समितिले आवश्यक कागजपत्र र आशयपत्रका छायाप्रति इमेलमार्फत र सक्कलप्रति शिक्षाध्यक्षको कार्यालयमा सिलबन्दी गरी बुझाउन अनुरोध गरेको छ ।

व्यवस्थापन संकाय अध्ययन हुने शंकरदेव क्याम्पसमा केही समयदेखि प्रमुख पद रिक्त रहँदै आएको छ ।