काठमाडौं । पहिलो संस्करणको नेपाल प्रिमियर लिग (एनपिएल) को फाइनल खेल आज हुँदैछ । फाइनल खेलमा उपाधिका लागि सुदूरपश्चिम रोयल्स र जनकपुर बोल्ट्स भिड्दैछन् ।

नेपाली क्रिकेटको महाकुम्भ एनपिएलको फाइनल खेल त्रिवि क्रिकेट मैदान कीर्तिपुरमा दिउँसो १२ः१५ बजे सुरु हुनेछ । सुदूरपश्चिम रोयल्सको कप्तानमा दीपेन्द्रसिंह ऐरी छन् भने जनकपुर बोल्ट्सको कप्तानमा आशिफ शेख रहेका छन् ।

दुवै टोलीले उपाधि हात पार्ने लक्ष्यसहित मैदानमा उत्रदै छन् ।

दीपेन्द्र सिंह ऐरीको कप्तानीमा रहेको जनकपुर सुरुदेखि नै लयमा छ । जारी एनपिएलमा उसले एक खेलबाहेक अन्यमा हार ब्यहोर्नुपरेको छैन ।

जनकपुर पनि सुरुमा जितसहित सशक्त टिमका रूपमा अघि बढेको थियो । तर चार खेलपछि उसले आफ्नो पुरानो लय कायम गर्न सकेको देखिँदैन ।

सुदूरपश्चिम र जनकपुरबीच आज हुने फाइनल खेल रोमाञ्चक बन्ने अपेक्षा गरिएको छ ।