काठमाडौं । प्रिमियर लिगमा साविक विजेता म्यानचेस्टर सिटीले आर्सनलसँग लज्जास्पद हार व्यहोरेको छ । आइतबार सम्पन्न खेलमा आर्सनलले सिटीमाथि ५–१ गोलान्तरको फराकिलो जित निकालेको हो ।

पहिलो हाफमा आर्सनलले १ गोल गरे पनि दोस्रो हाफमा गोलको वर्षा गराएर सिटीलाई निरीह पारिदियो ।

सिटीका लागि मार्टिन ओडेगार्डले २ मिनेटमै गोल गरेर सुरुवाती अग्रता दिलाएका थिए । तर पहिलो हाफमा त्यसपछि दुवै टिमले गोल निकाल्न सकेनन् ।

दोस्रो हाफमा आर्सनलले सनसनीखेज प्रदर्शनी गर्दै चार गोल ग–यो । थोमस पार्टी, माइलस लेविस स्केली, कै हाभेर्टज र इथानले क्रमशः ५६औं, ६२औं, ७६औं र अतिरिक्त समयको ९३औं मिनेटमा आर्सनलका लागि गोल गरेका हुन् ।

सिटीका हल्याण्डले ५५औं मिनेटमा टिमका लागि एक सान्त्वना गोल गरे ।

योसँगै १४ खेलमा अपराजित रहँदै आर्सनलले २४ खेलबाट ५० अंक जोडेको छ भने सिटी ४१ अंकसहित चौथो स्थानमा छ । शीर्ष स्थानमा रहेको लिभरपुलको ५६ अंक छ।