एजेन्सी । इन्डियन प्रिमियर लिग(आईपीएल)मा राजस्थान रोयल्स विजयी भएको छ । सोमबार राति भएको खेलमा राजस्थान रोयल्सले चेन्नई सुपर किंग्सलाई ८ विकेटले पराजित गरेको हो ।

जितको लागि १ सय २८ रनको विजयी लक्ष्य [पछ्याएको राजस्थानले १२.१ ओभरमा दुई विकेटको क्षतिमा लक्ष्य भेट्टाएको हो । राजस्थानको लागि वैभव सोर्यवंशीले अर्धसतक बनाए । उनले १७ बलमा ५ छक्का र ४ चौकाको मद्दतमा ५२ रन बनाए । यस्तै यशस्वी जैसवालले ३८, ध्रुव जुरेलले १८ र कप्तान रायन परागले १४ रन बनाए ।

चेन्नईको लागि अन्शुल काम्बोजले दुई विकेट लिए ।

यसअघि गुवाहाटीमा भएको खेलमा टस हारेर पहिले ब्याटिङमा उत्रिएको चेन्नईले १९.४ ओभरमा अलआउट हुँदै १ सय २७ रन बनाएको थियो । चेन्नईको लागि जेमी ओभर्टनले ३६ बलमा दुई चौका र दुई छक्काको मद्दतमा ४३ रन बनाउँदा कार्तिक शर्माले १८ र सर्फराज खानले १७ रन बनाए । अन्य ब्याट्सम्यानले दोहोरो अंक छुन सकेनन् ।

राजस्थानको लागि जोफ्रा आर्चरम नान्द्रे बर्गर र रविन्द्र जडेजाले दुई/दुई तथा ब्रिजेश शर्मा, सन्दीप शर्मा र रवि विश्नोईले एक/एक विकेट लिए ।

जितसँगै राजस्थानले दुई अंक जोडेको छ । आज हुने खेलमा पञ्जाव किंग्स र गुजरात टाइटान्स भिड्नेछन् ।