जनकपुरका लागि तृतराज दासले २१, जिम्मी निशमले २० र आदित्य महताले १० रन बनाए। टोलीका अन्य कुनै पनि ब्याटरले दोहोरो अंक जोड्न सकेनन्। बलिङतर्फ सुदूरपश्चिमका स्कट कुगेलेनले ४ ओभरमा १३ रन खर्चिएर ३ विकेट लिए। यसैगरी हेमन्त धामी, थरिन्दु रत्नयके, दीपेन्द्रसिंह ऐरी, अनिल खरेल र इशान पाण्डेले समान १-१ विकेट हात पारे।

यसअघि टस जितेर पहिले ब्याटिङ गरेको सुदूरपश्चिमले निर्धारित २० ओभरमा ९ विकेट गुमाएर १२० रन बनाएको थियो। सुदूरका लागि ब्रान्डन म्याकमलेनले ३३ र थरिन्दु रत्ननायकेले २७ रनको योगदान दिए। जनकपुरका कप्तान हर्मित सिंहले ४ ओभरमा २२ रन दिएर ४ विकेट लिए। हेरी टेक्टर, राहुल यादव, आदित्य महता र अभिषेक तिवारीले १-१ विकेट लिए।

यो जितसँगै सुदूरपश्चिम ६ खेलमा ८ अंक जोड्दै अंक तालिकाको दोस्रो स्थानमा उक्लिएको छ। समान खेल खेलेको जनकपुर ४ अंकका साथ छैटौँ स्थानमा झरेको छ।