काठमाडौं । अमेरिकाले क्युबाली जासूस एना मोटेन्सलाई २० वर्षको कारावास सजायपछि रिहा गरिदिएको छ ।

एना शीतयुद्धको दौरान पक्राउ पर्ने सबैभन्दा उत्कृष्ट जासुस मानिन्छिन्।

६५ वर्षीया आना मोन्टेसले करिब दुई दशक क्युवाको जासुका रूपमा काम गरेकी थिइन् । उनले अमेरिकाको डिफेन्स इन्टेलिजेन्स एजेन्सीमा विश्लेषकको रूपमा पनि भूमिका निर्वाह गरिन् ।

सन् २००१ मा आना गिरफ्तार भएपछि अधिकारीहरूले आनाले अमेरिकाको सम्पूर्ण खुफिया गतिविधि खुलासा गरिदिएको बताएका थिए ।

अमेरिकी राष्ट्रपति जर्ज डब्लु बुशको नेतृत्वमा काउन्टर इन्टेलिजेन्सका प्रमुख मिशेल भान क्लीभले सन् २०१२ मा कंग्रेसलाई एना मोन्टेसले क्युबाको बारेमा अमेरिकालाई थाहा भएको सबै कुरा ह्याक गरेको बताएकी थिइन् ।

एनाको गिरफ्तारीपछि उनीमाथि चार अमेरिकी जासुसको पहिचान खुलाएको र गोप्य जानकारी दिएको आरोप लगाइएको थियो।

सिंगो देशलाई खतरामा पारेको भन्दै न्यायाधीशले उनलाई २५ वर्षको कारावास सजाय सुनाएका थिए ।