काठमाडौं । माओवादी जनयुद्धका योद्धाहरूका कथा बोकेको प्रकाश सपुतको गीत ‘पिर’ यतिबेला विवादमा परेको छ ।

गीतको भिडियोका केही अंशले सिंगो माओवादी केन्द्रलाई तरंगित बनाएको छ । जनयुद्ध पूर्वयोद्धालाई यौनकर्मीको रूपमा देखाएको भन्दै गीतको सो अंशमाथि माओवादीका युवा नेता तथा कार्यकर्ताहरूले आपत्ति जनाएका छन् ।

यता गायक सपुतले भने यो गीत अझ फागुन १ गते जनयुद्ध दिवसकै दिन सार्वजनिक गर्ने आफ्नो चाहना रहेको खुलासा यसअघि नै गरेका थिए ।

तर, कोरोना कहरका कारण आफूमा काम गर्ने उत्साह नभएका कारण मिति फागुन २७ का लागि सरेको उनले यसअघि नै सामाजिक सञ्जालमार्फत जानकारी दिएका थिए ।

‘फागुन १ गतेकै दिन यो गित रिलिज गर्ने योजना बनाएको थिए तर तेस्रो चरणको कोरोना कहरमा काम गर्ने उत्साह र उर्जा भएन’, उनको फेसबुक खोतल्दा फागुन १ गते नै यो खुलासा गरेको भेटिएको छ ।

गीत प्रकरणबारे बालेन : गीत बलियो होइन, पार्टी कमजोर हो