पोखरा विमान दुर्घटना : फेला परेन अझै ६ शव
काठमाडौं । पोखरामा आइतबार भएको यती एयरलायन्सको विमानमा सवार ६ जनाको शव अझै फेला परेको छैन । दुर्घटनामा सवार ७२ मध्ये ६६ को शव भेटिए पनि बाँकी ६ जनाको फेला नपरेको हो ।
कास्कीका सहायक प्रमुख जिल्ला अधिकारी अनील शाहीले संकलन भई पहिचान भइसकेका ६६ शव प्रक्रिया पूरा गरेर परिवारलाई हस्तान्तरण गर्न लागिएको जानकारी दिए ।
उनका अनुसार, पहिचान नभएका, विदेशी नागरिक एवं काठमाडौंमा आफन्त भएका व्यक्तिको शव हेलिकप्टरमार्फत पठाउने तयारी गरिएको छ ।
६ जनाको शव भने अझैसम्म फेला परेको छैन । सेती नदीको अप्ठ्यारो खोचमा विमान दुर्घटना भएको र राति खोजी कार्य गर्न अप्ठ्यारो भएकाले सोमबार बिहानदेखि पुनः यसलाई निरन्तरता दिइएको सहायजक प्रजिअ शाहीले जानकारी दिए ।
चालक दलका सदस्यसहित ७२ जना सवार यती एयरलाइन्सको विमान आइतबार बिहान पोखरा विमानस्थलमा अवतरणका क्रममा दुर्घटना भएको थियो । आन्तरिकतर्फको अहिलेसम्मकै ठूलो मानिएको दुर्घटनाको कारण खुलेको छैन ।
ताजा अपडेट
-
झापामा पूर्वशिक्षकबाटै एरिनाबाट गोली प्रहार भएको खुलासा
-
नेपालमा रहेका वेष्ट इन्डिजका तीन खेलाडी विश्वकप टोलीमा
-
आरबी कम्प्लेक्स र पिपुल्स प्लाजाद्वारा लाखौं कर छली
-
सूचना आयोगले सूचनाको हकसम्बन्धी क्षेत्रमा उत्कृष्ट १३ जनालाई पुरस्कृत गर्ने
-
कसैलाई प्रोत्साहित गर्न र कसैलाई कमजोर पार्न करको दर हेरफेर हुँदैन : अर्थमन्त्री पुन
प्रतिक्रिया