काठमाडाैं । आइतबार घटेको सुनको मूल्य सोमबार सामान्य बढेको छ । सोमबार सुनको मूल्य प्रतितोला ३ सय रूपैयाँ बढेर एक लाख पाँच  हजार तीन सय रूपैयाँमा कारोबार भइरहेको छ । आइतबार छापावाल सुन प्रतितोला एक लाख पाँच हजार रूपैयाँमा कारोबार भएको थियो  ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला एक लाख चार हजार ८ सय छ ।

त्यस्तै आइतबार स्थिर चाँदीको मूल्य  आज चाँदी  ५ रूपैयाँ बढेर १ हजार १८० रूपैयाँमा कारोबार भइरहेको छ ।

महासङ्घले अन्तर्राष्ट्रिय बजारमा हुने सुन तथा चाँदीको कारोबार मूल्यका आधारमा यहाँ दैनिक सुन तथा चाँदीका मूल्य तोक्दै आएको छ ।