फेरि राजनीतिक दुष्चक्र कायम गर्न खोजिएको छ : पोखरेल

आज विश्व खाद्य सुरक्षा दिवस मनाइँदै, दूषित खाद्यवस्तुका कारण बर्सेनि ६० करोड मानिस बिरामी

फेरि राजनीतिक दुष्चक्र कायम गर्न खोजिएको छ : पोखरेल

नेपालवाच २०७९ माघ १४ गते १८:१६

काठमाडौं । नेकपा एमालेका महासचिव शङ्कर पोखरेलले राजनीतिक दुष्चक्र फेरि पनि कायम गर्न खोजिएको आशङ्का व्यक्त गरेका छन् ।

“मुलुकमा फेरि पनि राजनीतिक अस्थिरताका खेल भइरहेका छन्,” एमालेले आज ललितपुरस्थित पार्टी मुख्यालयमा सहिद दिवसको अवसरमा आयोजित ‘सहिद स्मृति कार्यक्रम’ मा बोल्दै उनले भने, “त्यसप्रति एमाले गम्भीर रहेको छ । एमाले अस्थिरताको खेललाई समाधान गर्न दृढ रहेको छ ।”

उनले देश अप्ठ्यारो, कमीकमजोरीमा परेको बेला राजनीतिक दलका नेताहरूले अहिलेको ठाउँसम्म ल्याइ पुर्याएको उल्लेख गर्दै दलका नेताहरूले देशलाई सकारात्मक दिशातिर पुर्याउने धारणा राखे ।