काठमाडौं । नेपाली फुटबल टिमका मिडफिल्डर विशाल राई अस्ट्रेलियातर्फ लागेका छन् । नेपाली राष्ट्रिय फुटबल टिमका खेलाडीहरू एकपछि अर्को गरी विदेश पलायन भइरहेका बेला राईले पनि त्यही बाटो रोजेका हुन् ।

राष्ट्रिय टिमका सदस्य राई मच्छिन्द्र फुटबल क्लबमा समेत आबद्ध थिए ।

मछिन्द्र क्लबका म्यानेजर अनिल श्रेष्ठले राई अस्ट्रेलिया प्रस्थान गर्नुअघि विमानस्थलको तस्बिर सार्वजनिक गर्दै उज्ज्वल भविष्यको कामना गरेका छन् ।

भविष्य अन्योलपूर्ण बनेपछि पछिल्लो समय नेपाली राष्ट्रिय टिममा रहेका तथा सम्भावना बोकेका खेलाडी अस्ट्रेलिया पलायन भइरहेका छन् । केही समयअघि मात्रै तेज तामाङ, दिनेश राजवंशी, गौतम श्रेष्ठ र नितिन थापा मगर पनि अष्ट्रेलिया उडेका थिए ।