काठमाडौं । विश्वकै लोकप्रिय खेल फुटबलका स्टार खेलाडीहरूको फ्यान, फलोअर्स नेपालमा उल्लेख्य छन् । यस्ता फ्यानहरूले आफ्ना मन पर्ने खेलाडी र तिनका टिमबारे सामाजिक सञ्जालमा प्रशंसा गरिरहेको भेटिन्छ । हालै सम्पन्न विश्व कफ फुटबल दौरान पनि कैयन् यस्ता रमाइला दृष्य देखिए ।

कतार विश्वकप सकिएको केही समयपछि नेयमारका फ्यानले उस्तै रमाइलो काम गरेका छन् । उनीहरूले ५ फेब्रुअरीमा पर्ने नेयमारको जन्मदिन एक समारोह गरी केक नै काटेर मनाए ।

नेपाली फुटबलर सुनील बललाई प्रमुख अतिथि बनाएर काठमाडौंको नयाँ बानेश्वरस्थित आश्रममा शनिबार साँझ गरिएको बर्थ डे मनाइएको हो ।

नेपाल समाजवादी पार्टीकी केन्द्रीय सदस्य जेसिका लामाले उक्त सेलिब्रेसनको भिडियो सामाजिक सञ्जालमार्फत साझा गरेकी छन् ।

हेप्पी बर्थ डे नेयमार लेखिएको ब्यानर टाँगेर तामझामसहित गरिएको बर्थ डे कार्यक्रममा फ्यानहरूले जर्सीसमेत प्रदर्शन गरे ।