काठमाडौं । आईसीसी महिला टी–२० विश्वकप २०२३ को फाइनल खेलमा आज अष्ट्रेलिया र दक्षिण अफ्रिका भिड्दैछन् ।

यो खेल केप टाउनको न्युल्यान्ड्स मैदानमा हुनेछ । दक्षिण अफ्रिकी महिला टोली टी–२० विश्वकपको फाइनलमा पुगेको यो पहिलो पटक हो ।

यससँगै पाँच पटकको च्याम्पियन अस्ट्रेलिया छैटौं पटक उपाधि कब्जा गर्न मैदान उत्रनेछ ।

समूह चरणमा अष्ट्रेलियाले न्यूजिल्याण्ड, बंगलादेश, श्रीलंका र दक्षिण अफ्रिकालाई हराउँदै सेमिफाइनल यात्रा तय गरेको थियो ।

सेमिफाइनलमा अस्ट्रेलियाले भारतको सामना गरेको थियो । यो रोमाञ्चक खेलमा भारत पाँच रनले पराजित भयो ।

दक्षिण अफ्रिकाले फाइनलसम्मको यात्रा गर्न निकै चुनौती झेल्यो । दक्षिण अफ्रिका पहिलो खेलमा श्रीलंका र दोस्रो खेलमा अस्ट्रेलियासँग पराजित भएको थियो ।

तर दुई खेल जितेर दक्षिण अफ्रिकाले सेमिफाइनलमा प्रवेश गरेको थियो भने नकआउट खेलमा इंग्ल्याण्डलाई हराउँदै पहिलो पटक फाइनलमा प्रवेश गरेको थियो ।