काठमाडौं। प्रदेश नामाकरणको विषयमा हुल्दङ्गा र झडप हुन सक्ने भन्दै जिल्ला प्रशासन कार्यालय मोरङले विराटनगरका केही स्थानमा निषेधाज्ञा जारी गरेको छ ।

बुधबार प्रदेशसभाले नामको टुंगाे लगाउने तयारी गरेपछि जिल्ला प्रशासन कार्यालय मोरङले निषेधाज्ञा जारी गरेको हो । प्रमुख जिल्ला अधिकारी तिर्थराज भट्टराईले जारी गरिएको विज्ञप्तिमा प्रदेशको नामांकनको विषयमा शान्ति सुव्यवस्थामा खलल पुग्ने गतिविधि हुन सक्न भन्दै देवकोटा चोकदेखि कोशी अस्पताल चोकसम्म, जिल्ला प्रशासन कार्यालय वरपर, मुख्यमन्त्रीको निवास र मुख्यमन्त्री तथा मन्त्रिपरिषद्को कार्यालय वरपर निषेधाज्ञा जारी भएको उल्लेख छ ।

नामाकंनको विषयमा सत्तारुढ दल एमाले र कांग्रेसले कोशी प्रदेश प्रस्ताव गरेका छन् । विपक्षमा जसपा, नेकपा एस लगायतले प्रदेशको नाम किरात लिम्बुवान सगरमाथा राख्न प्रस्ताव दर्ता गरेका छन्।