एजेन्सी । हामी सबैले दिनको सुरुआत एक कप चियाबाट गछौं । भनिन्छ, बिहानको सुरुवात राम्रो भयो भने दिन पनि राम्रो बित्छ । त्यसैले दिनभर ताजा रहन र शरीरलाई स्वस्थ राख्न बिहानको सेवन स्वस्थ्य हुनु उतिकै आवश्यक छ ।

अध्ययनका अनुसार बिहान खाली पेटमा चिया–कफी पिउनाले एसिडिटी र पेटसम्बन्धी रोग लाग्न सक्छ । त्यसैले बिहान उठ्नेबित्तिकै चिया र कफी पिउनुको सट्टा ऊर्जाले भरिपूर्ण  र शरीरलाई स्वस्थ राख्ने पेय पदार्थ सेवन गर्नुपर्छ ।

दूध

स्वास्थ्य विज्ञहरूका अनुसार बिहान चिया वा कफिको सट्टा दूध पिउने बानी राम्रो मानिन्छ । दूध पौष्टिक तत्वले भरिपूर्ण छ । यसमा पाइने भिटामिन, क्याल्सियमले हड्डी तथा मांशपेशी बलियो बनाउँछ । जसले तपाईको दिन पनि उर्जावान रहन्छ ।

कागती पानी
कागती पानीलाई उर्जाको पेयसमेत भनिन्छ । यसले शरीरमा डिहाइड्रेसनको समस्या कम गर्छ । त्यसैले बिहान चियाको विकल्पमा मनतातो पानीमा कागती राखेर पिउने गनुहोस् । यसले पाचन प्रणाली र रोग प्रतिरोधात्मक क्षमतामा सुधार गर्छ भने तौलसमेत नियन्त्रणमा राख्छ ।

नरिवल पानी

नरिवल पानी पनि स्वास्थ्यको लागि फाइदाजनक हुन्छ । यसमा हुने गुणले दिनभर शरीरमा उर्जाको कमी हुँदैन् । बिहान बिहान एक गिलास नरिवलको पानी पिउँदा यसले शरीर उर्जाशिल बनाइराख्छ ।

फलफूलको जुस
बिहान ताजा फलफूलको जुस पिउनु भनेको शरीरलाई दिनभरीका लागि उर्जा दिनु हो । फलफूलले शरीर स्वस्थ राख्छ र उर्जा दिन्छ । त्यसैले बिहान चिया वा कफिको विकल्पमा जुस पिउँनु राम्रो मानिन्छ । हरेक फलको जुस स्वास्थ्यका लागि उपयुक्त हुन्छ । तर बिहान खाली पेटमा अमलाको, एलोभेराको, अनारको र लौकाको जुस खानु बढी लाभदायिक हुन्छ ।