काठमाडौं । नेपाली कांग्रेसनिकट नेपाल विद्यार्थी संघ ( नेविसंघ) का कृष्णप्रसाद सिटौला पक्षधरले छुट्टै भेला आह्वान गरेको छ । स्ववियु निर्वाचनको संघारमा नेविसंघभित्र विवाद चर्किरहेका बेला सिटौला पक्षधर विद्यार्थीले शुक्रबार बिहान अलग्गै भेला डाकेका हुन् ।आह्वान गरेका

नेविसंघका सिटौला पक्षधर एक नेताले अहिले बिहान ८ बजे बाल्मिीकि क्याम्पसमा भेला डाकिएको बताए ।

भेलामा नेविसंघका पूर्वनेता तथा बागमती प्रदेश सभा सदस्य कुन्दनराज काफ्ले, नेपाली कांग्रेस, बाग्लुङका सभापति जीत शेरचन, नेविसंघका पूर्व उपाध्यक्ष रामप्रसाद अधिकारीलगायत नेताले सम्बोधन गर्ने तय छ ।

स्ववियु निर्वाचन नजिकिँदै जाँदा नेविसंघमा संस्थापन पक्ष हाबी हुँदै गएको छ । निर्वाचनमा संस्थापन पक्ष हाबी हुने आशंकाबीच भेला डाकिएको र यसले आगामी रणनीतिलगायत विषयमा साझा धारणा तय गर्ने एक नेताले जानकारी दिए ।