अमेरिकामा सेनाको दुई हेलिकप्टर दुर्घटना, नौ जनाको मृत्यु

हस्तकला विकास बोर्ड गठनमा सरकार सकारात्मक छ: प्रधानमन्त्री

अमेरिकामा सेनाको दुई हेलिकप्टर दुर्घटना, नौ जनाको मृत्यु

नेपालवाच २०७९ चैत १७ गते ७:२६

अमेरिकामा दुई अमेरिकी सेनाको हेलिकप्टर दुर्घटना हुँदा नौ जनाको मृत्यु भएको छ ।

स्थानीय समय अनुसार राति १० बजे फोर्ट क्याम्पबेल सैन्य अड्डा नजिक दुर्घटना भएको हो । दुर्घटनाको कारण भने खुल्न सकेको छैन ।

बिबिसीले यो घटना १०१ औं एयरबोर्न डिभिजनसँग सम्बन्धित रहेको र सैन्य आधार नजिकैको प्रशिक्षण अभियानको क्रममा भएको जनाएको छ ।

सैन्य अधिकारीहरूले घटनामा नौ सैनिक मारिएको पुष्टि गर्दै दुःख व्यक्त गरेका छन् ।

अमेरिकी सेनाको वेबसाइटका अनुसार १०१ औं एयरबोर्न डिभिजन अन्तर्राष्ट्रिय द्वन्द्व क्षेत्रहरूमा पठाइएको एक मात्र हवाई आक्रमण डिभिजन हो।