काठमडाैं । भूगोल इनर्जी डेभलपमेन्ट कम्पनीले सर्वसाधारणका लागि आज (चैत २३) देखि  आइपिओ निष्काशन गरेको छ ।

कम्पनीले १० करोड ८८ लाख १० हजार ७ सय रुपैयाँ बराबरको १० लाख ८८ हजार १०७ कित्ता आइपीओ जारी गर्न लागेको हो। यसमा १० प्रतिशत अर्थात् १ लाख ८ हजार ८११ कित्ता वैदेशिक रोजगारीमा रहेका नेपालीहरुका लागि निष्काशन गरिसकेको छ ।

यस्तै, ५ प्रतिशत अर्थात् ७१ हजार ९१६ कित्ता सामूहिक लगानी कोषका लागि छुट्याएर बाँकी रहेको १३ लाख ४६ हजार ९९३ कित्तामा सर्वसाधारणले आवेदन दिन सक्नेछन्

आइपिओ निष्काशन गर्दै भूगोल इनर्जी, कसले दिन पाउँछन् आवेदन ?

सर्वसाधारणले सो आइपिओमा चैत २७ गतेसम्म आवेदन दिन सक्नेछन् । सो अवधिमा सबै सेयर बिक्री नभएमा वैशाख ७ गतेसम्म आवेदन दिन सक्ने कम्पनीले जनाएको छ ।

कम्पनीका अनुसार लगानीकर्ताले न्यूनतम १० कित्तादेखि अधिकतम ३० हजार कित्ताको लागि आवेदन दिन सक्नेछन् । आइपीओको बिक्री प्रबन्धकमा एनआइसी एसिया क्यापिटल रहेको छ ।