काठमाडौं । प्रधानमन्त्री पुष्पकमल दाहाल प्रचण्डले वर्तमान व्यवस्था उल्ट्याउन खोजेको भनेर दिएका अभिव्यक्तिप्रति एमालेका सांसद ठाकुर गैरेले प्रश्न उठाएका छन् ।

नयाँ वर्षको दिन पार्टी कार्यालय पेरिसडाँडामा आयोजित कार्यक्रममा वर्तमान व्यवस्था उल्टाउन खोजिएको भन्दै स्थिति सहज नरहेको अभिव्यक्ति दिएका थिए ।

आइतबार प्रतिनिधिसभाको आकस्मिक समयमा बोल्दै एमाले सांसद गैरेले यो व्यवस्था उल्टाउन कसले खोजेको हो भन्दै प्रधानमन्त्रीमाथि प्रश्न उठाएका हुन् ।

‘नयाँ वर्षको दिन पार्टी कार्यालयमा यो व्यवस्था संकटमा पर्यो, यो उल्टिन लाग्यो भनेर के सन्देश दिन खोज्नुभएको हो ?’, प्रधानमन्त्रीमाथि उनले प्रश्न गरे ।

प्रधानमन्त्रीले भनेजस्तै व्यावस्था संकटमा परेको भए त्यसको सामना गर्न संसद तयार हुनुपर्ने बताए ।