मातातीर्थ मन्दिरमा भक्तजनको भीड (फोटोफिचर)
काठमाडौं । प्रत्येक वर्ष वैशाख कृष्ण पक्ष औँसीका दिनमा जन्मदाता आमालाई सम्मान गरी मनाइने आमाको मुख हेर्ने पर्व आज देशभर आमालाई मीठा मीठा खानेकुरा खान दिई श्रद्धा भक्तिसाथ मनाइँदैछ ।
शास्त्रमा उपाध्याय (पण्डित), आचार्य र पिताभन्दा पनि ठूली मानिएकी आमाप्रति श्रद्धा, भक्ति, सम्मान र आदर गर्ने तथा उनीबाट शुभाशीर्वाद थाप्ने दिनका रूपमा यो पर्वलाई लिइने शास्त्रीय परम्परा छ ।
आजको दिन छोराछोरीले बिहानै उठी नुहाएर आफ्नी आमालाई राम्राराम्रा लुगा लगाउने र मीठामीठा–तागतिला खानेकुरा खान दिई आशीर्वाद थाप्ने चलन छ ।
आमा नभएकाहरू भने आमालाई तर्पण र पिण्ड तथा पुरोहितलाई सिदादानसहित भोजन गराई दिवङ्गत आमा र उनले गरेका महान् एवं कष्टकर काम सम्झने गर्दछन् ।
चन्द्रागिरिस्थित मातातीर्थ मन्दिरमा आज भक्तजनको भीड लागेको छ । आमा नहुनेहरूले त्यहाँ गएर कुण्डमा स्नान र पूजा गर्ने गरिन्छ ।
ताजा अपडेट
-
काठमाडौं र ललितपुरमा भएको दुर्घटनामा तीन जनाको मृत्यु
-
रवि लामिछानेविरुद्ध सर्वाेच्चमा अर्काे रिट
-
ठमेलमा प्रहरीको अप्रेसनः अनैतिक गतिविधिमा संलग्न नौ विदेशी महिलासहित २१ जना पक्राउ
-
मन्दिर निर्माणमा घुस, बानेश्वरबाट दुई इन्जिनियर रंगेहात पक्राउ
-
धूमपान र सुर्तिजन्य पदार्थको प्रयोगबाट मुखको क्यान्सर बढ्दो
प्रतिक्रिया