काठमाडौं । बारा–२ प्रतिनिधिसभा सदस्यका लागि भएको उपनिर्वाचनमा गठबन्धनबाट साझा उम्मेदवार रहेका जसपाका अध्यक्ष उपेन्द्र यादवले निकटतम प्रतिस्पर्धीसँग मतान्तर फराकिलो बनाउँदै लगेका छन् ।

बिहान साढे आठ बजे सम्मको मतपरिणाम अनुसार यादवले प्रतिस्पर्धी जनमत पार्टीका उम्मेदवार शिवचन्द्र कुशवाहसँग ३ हजार ३९० फराकिलो मतान्तरसहित अग्रता लिइरहेका छन् ।

यादवले १० हजार २०० मत पाउँदा उनका प्रतिस्पर्धी कुशवाहले ६ हजार ८१० मत पाएका छन् । तेस्रोमा रहेका एमालेका उम्मेदवार पुरुषोत्तम पौडेलले ४ हजार ११ मत पाएका छन् । रास्वपाका उम्मेदवार रमेश खरेल एकहजार १७४ मतसहित चौंथो स्थानमा छन् ।