काठमाडौं । उपप्रधान एवं गृहमन्त्री नारायणकाजी श्रेष्ठले मिटरब्याज पीडकको पक्षमा भूमिका खेल्नेहरुलाईसमेत कारबाहीको दायरामा ल्याइने बताएका छन् ।

सोमबार बिहान जनकपुरधाममा मिटरब्याज सम्बन्धी जाँचबुझ आयोगको केन्द्रीय कार्यालय उद्घाटन कार्यक्रमलाई सम्बोधन गर्दै उनले पीडकका साथै उससको पक्षमा पक्षपोषण गर्नेलाई पनि कारवाही गर्ने बताएका हुन् ।

‘कुनै पार्टीको नेता, पहुँचवाला व्यक्ति वा कसैले पनि मिटरब्याजी पीडकहरुको पक्षमा भूमिका खेल्न खोज्यो भने उनीहरुलाई पनि कारबाहीको दायरामा ल्याइने छ । पीडित पीडित नै हो । त्यो कुनै पार्टीको भनेर म चिन्दिनँ, सरकार चिन्दैन,’ उपप्रधानमन्त्री श्रेष्ठले भने।

उनले मिटरब्याजी पीडितलाई न्याय दिनका लागि भूमिका खेल्ने सबैलाई धन्यवाद दिए ।