काठमाडौं । आइसिसी विश्वकप लिग–२ त्रिकोणात्मक ओडिआई सिरिजअन्तर्गतको अन्तिम खेलमा नेपालले पपुवा न्युगिनी (पिएनजी)विरुद्ध पहिलो सफलता हात पारेको छ । टस जितेर पहिले फिल्डिङ गर्ने निर्णय गरेको नेपालले २.३ ओभरमै पहिलो विकेट झारेको हो ।

नेपालका लागि करण केसीले ६ रन बनाएर खेलिरहेका टोनी उरालाई विनोद भण्डारीबाट क्याचआउट गराए ।

यस अघिको खेलमा पिएनजीलाई २ विकेटको साँघुरो अन्तरले पराजित गरेको नेपालले युएईसँगको दुईवटै खेलमा भने पराजय बेहारेको थियो ।
एकदिवसीय विश्वकप छनोटको समेत खेलमा नेपालले अहिलेसम्म ११ खेल खेलेर १० अंक जोडेको छ ।

सात मध्ये २८ खेलबाट ३६ अंकसहित ओमान पहिलो स्थानमा छ । १८ खेलबाट युएईको २२ अंक छ । तीन देश विश्वकप छनोटको प्रक्रियामा अघि बढ्नेमा नेपाल छैटौं स्थानमा छ ।