काठमाडाैं । राष्ट्रिय स्वतन्त्र पार्टी (रास्वपा) का सांसद रवि लामिछानेले आइतबार अर्थमन्त्री डा. प्रकाशशरण महतले प्रस्तुत गरेको आव ०८०/८१ को बजेट सिद्धान्त र प्राथामिकता विगतमा पेश गरेको भन्दा फरक नभएको बताएका छन् ।

सोमबार प्रतिनिधिसभाको प्रिबजेट छलफलको क्रममा उनले सो बताएका हुन् । सांसद लामिछानेले यो पटकको बजेट सिद्धान्त र प्राथामिकतामा केही वाक्य र शब्दबाहके सबै दोहोरिएको औंल्याए ।

छलफलको क्रमममा उनले नेपालको अर्थतन्त्र निकै असाधारण अवस्थामा भएको बताए ।

‘तीन दशकयताकै आर्थिक वृद्धिदर कम हुने देखिएको छ । देशको अर्थतन्त्र कता गइरहको छ ? पाँच दशकयताकै कम राजश्व संकलन, सरकारले राखेको लक्ष्यभन्दा कम राजश्व संकलन भएको छ ।’ साथै उनले सधै एउटै कुरा गरेर फरक नतिजा ल्याउन नसक्ने बताएका छन् र वर्षेनी यस्ता कुरा ल्याएर जनताको विश्वास दिलाउन नसक्नेसमेत उल्लेख गरे ।

असाधारण रुपमा साधाणरण खर्च खटौती गर्ने, क्रियाकलाप हैन नतिजाको आधारमा कार्यासम्पादन मूल्यांकन गर्ने, विदेशी लगानीकर्तालाई नेपालमा लगानी गर्ने वातावराण बनाउने किसिमको बजेट आउनुपर्ने उनले सुझाव दिएका छन् ।