नेप्सेमा दोहोरो अंकको गिरावट, कारोबार रकम बढ्यो
काठमाडाैं । साताको दोस्रो कारोबार दिन सोमबार नेप्से दोहोरो अंकले घटेको छ । नेपाल स्टक एक्सचेन्ज (नेप्से) का अनुसार आज नेप्से १६.९३ अंकले घटेर १८३३.६९ विन्दुमा कायम भएको छ ।
सोमबार नेप्से घटेपनि कारोबार रकम भने बढेको छ । नेप्सेका अनुसार दुई सय ७० वटा कम्पनीको २५ हजार ५८८ पटक कारोबारमा २८ लाख १० हजार ६२७ कित्ता शेयर खरिदबिक्री हुँदा ८२ करोड ४२ लाख १७ हजार रूपैयाँ बराबरको कारोबार भएको छ ।
आज सबै उपसमूह घटेको छ । सबैभन्दा बढी होटल तथा पर्यटन २.४४ प्रतिशतले बढेको छ । अन्य घटेका उपसमूहरूमा बैंकिङ ०.५३, विकास बैंक ०.४०, वित्त १.१९, जलविद्युत १.८९, लगानी ०.५०, जीवन बीमा १.३१, उत्पादन ०.७०, माइक्रोफाइनान्स ०.८२, म्युचल फण्ड ०.०६, नीर्जीवन १.२५, अन्य ०.६४ र व्यापार ०.६१ प्रतिशतले घटेको छ ।
आज वीन नेपाल लघुवित्तका लगानीकर्ताले सर्वाधिक ८.०५ प्रतिशतका दरले कमाएका छन् ।
त्यस्तै एनएमबी डिवेञ्चर ८.३३ प्रतिशतका दरले गुमाएका छन् । त्यस्तै इष्टर्न हाइड्रोपावरका लगानीकर्ताले सर्वाधिक ९.९९ प्रतिशतका दरले गुमाएका छन् ।
सोमबार कारोबार रकमका आधारमा सबैभन्दा धेरै शिभमको ३ करोड ७८ लाख २१ हजार रूपैयाँको कारोबार भएको छ । दोस्रोमा हिमाल दोलखा हाइड्रोपावर २ करोड २५ लाख ५२ हजार रूपैयाँको कारोबार भयो ।
त्यस्तै हिमालय डिष्टिलरी २ करोड २० लाख ३३ हजार, तारागाउँ रिजेन्सी होटल २ करोड १ लाख २६ हजार र एनआइसी एशियाको १ करोड ९७ लाख २२ हजार रूपैयाँको कारोबार भयो ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया