ढाकाकुमारमाथिको कारबाही कार्यान्वयन नगर्न सर्वोच्चको अल्पकालीन आदेश

नागरिक लगानी कोष र नबिल बैंकबीच अवकाश कोष व्यवस्थापन सम्झौता

ढाकाकुमारमाथिको कारबाही कार्यान्वयन नगर्न सर्वोच्चको अल्पकालीन आदेश

नेपालवाच २०८० वैशाख २५ गते १६:२३

काठमाडौं । सर्वोच्च अदालतले प्रतिनिधिसभा सदस्य ढाकाकुमार श्रेष्ठलाई तत्काल कारबाही नगर्न अल्पकालीन अन्तरिम आदेश जारी गरेको छ ।

सोमबार न्यायाधीश तिलप्रसाद श्रेष्ठको एकल इजलासले श्रेष्ठमाथि रास्वपाले गरेको कारबाही नगर्न /नगराउन अल्पकालीन अन्तरिम आदेश दिएकाे हो ।

यस मुद्दामा दुवै पक्षको बहस पैरवीपछि मात्र अन्तरिम आदेशको बारेमा फैसला गर्ने भएको छ । मेडिकल व्यवसायी दुर्गा प्रसाईसँग ढाकाकुमारले दुई करोड रकम माग गरेको अडियो सार्वजनिक भएपछि उनलाई रास्वपाले पदमुक्त गरेको थियो ।

श्रेष्ठले आफूमाथि पार्टीले गरेको कारबाहीविरुद्ध सर्वोच्च अदालतमा रिट दिएका थिए ।