काठमाडौं । अर्जेन्टिनी राष्ट्रिय फुटबल टोलीका कप्तान लियोनल मेसी करिब दुई महिनापछि राष्ट्रिय टोलीको प्रशिक्षणमा फर्किएका छन् ।

दुई महिनाअघि मुख्य प्रशिक्षक लियोनल स्कालोनीले विश्वकप छनोटका लागि टिम घोषणा गर्दा मेसीलाई समावेश गरेका थिएनन् ।

जनवरी २७ र फेब्रुअरीमा १ मा भएका अर्जेन्टिनाका दुई खेलमा मेसीलाई समावेश नगरिएको हो ।

तर, योपटक भने मेसीले टोलीमा फर्किएका छन् । यही मार्च २६ भेनेजुएला र ३० मा इक्वेडरविरुद्ध हुने दुई खेलका लागि मेसी राष्ट्रिय टोलीमा फर्किएका हुन् ।

यसैबीच, मेसीले अर्जेन्टिना गएर राष्ट्रिय टोलीको प्रशिक्षणसमेत थालिसकेका छन् । उनी प्रशिक्षण दौरान निकै खुसी देखिएका छन् ।

मेसीले युवा खेलाडीहरूसँग तस्बिरसमेत लिएका छन् ।

मेसीसँगै एंगेल डि मारिया, लियान्द्रो परेडेस, रोड्रिगो डे पाउल लगायतका खेलाडी पनि प्रशन्न मुद्रामा देखिएका छन् ।

यसैक्रममा मेसीले अर्जेन्टिना यु २० का प्रशिक्षकसमेत रहेका पूर्वसहकर्मी जाभियर मास्केरानोलाई पनि भेटेका छन् ।