काठमाडौं । राप्रपाका अध्यक्ष राजेन्द्र लिङ्देनले सत्ता पक्षकै सांसद रुवाबासी हुने गरी बजेट ल्याएर विपाक्षीलाई अप्ठ्यारो पारेको बताएका छन् ।

शुक्रबार प्रतिनिधिसभा बैठकमा बोल्दै उनले संसदीय व्यवस्थामा दुई पक्ष हुने भएपनि योपटक त्यस्तो नदेखिएकोमा व्यङ्ग्य गरे ।

‘बजेटमाथिको छलफलमा सत्तापक्षका सांसदहरूले समर्थन गर्ने, प्रतिपक्षकाले विरोध गर्ने प्रवृत्ति आइरहेको थियो । अन्त्यमा कम फुलिस्टप पनि चेन्ज नहुने जे छ ताली ठोक्ने अगाडि बढ्ने भन्ने कुराहरु भइरहेको थियो,’ उनले भने, तर अहिले त सत्तापक्षको सांसदहरूको पनि दुईवटा प्रवृत्ति देखियो । एकथरी साथीहरूको हाम्रोभन्दा बेसी रुवाबासी ।’

उनले यस्तो बजेट बनाउने वुद्धि र ज्ञान मन्त्रीलाई कसले दियो भन्दै प्रश्न गरेका छन् ?