काठमाडौं । नेकपा (एमाले)का पोलिटब्युरो सदस्य प्रभू साहविरुद्ध उजुरी परेको छ । केन्द्रीय सदस्य रेखाकुमारी झाले साहविरुद्धको उजुरी बिहीबार केन्द्रीय कमिटीमा पार्टी अध्यक्ष केपी शर्मा ओलीलाई बुझाएकी थिइन् ।

मधेस प्रदेशका सहइन्चार्जसमेत सहेका साहले रौतहट अधिवेशनमा मनोमानी गरेको आरोप झाले लगाएकी छिन् । नियमित प्रक्रियाबाट पदाधिकारी चयन नगरी साहले मध्यराति चोरबाटोबाट पाँचजना पदाधिकारीलाई शपथ गराएको आरोप संघीय सांसदसमेत रहेकी झाले लगाएकी छिन् ।

‘रौतहट जिल्ला अधिवेशन हलमा उपस्थित सम्पूर्ण प्रतिधिनिधिले विरोध र असहमतिका बाबजुद हलले अनुमोदन नै नगरको पाँचजना पदाधिकारलाई मध्यरातमा नेता साहले मध्यरातमा अज्ञात स्थलमा शपथ खुवाएको कार्यको घोर भत्सर्ना गर्दछु’, झाले उजुरीमा उल्लेख गरेकी छिन् ।

तर अध्यक्ष ओलीले आफूलाई दिनुपर्ने उजुरी मिडियाबाजी गरेको भन्दै असन्तुष्टि जनाएका छन् । पार्टीभित्रको विवादलाई जथाभावी मिडियाबाजी गरेर जग नहँसाउन ओलीले चेतावनी दिएको बैठकमा सहभागी एक केन्द्रीय सदस्यले जानकारी दिएका छन् ।