काठमाडाैं । नेपाल स्टक एक्सचेन्ज (नेप्से) परिसूचकमा दोहोरो अङ्कको गिरावट देखिएको छ । आज नेप्से परिसूचक ३५.३७ अंकले घटेर २१५०.९९ विन्दुमा कायम भएको छ ।

नेप्सेका अनुसार आज दुई सय ८० कम्पनीको ८२ हजार ३५९ पटक कारोबारमा १ करोड ३३ लाख ४२ हजार ९९६ कित्ता सेयर खरिदबिक्री हुँदा ५ अर्ब ९७ करोड २२ लाख ८६ हजार रूपैयाँको कारोबार भएको छ ।

आजको कारोबारमा जीवन बीमाबाहेकका उपसूचक घटेका छन् । जीवन बीमा २.४६ प्रतिशतले घटेको छ ।

घटेका उपसमूहरूमा बैंकिङ १.५४, विकास बैंक २.४३, वित्त २.९९, होटल तथा पर्यटन २.६८, जलविद्युत १.९६, लगानी १.९४, उत्पादन १.५४, माइक्रोफाइनान्स २.९९, म्युचल फण्ड ०.४०, नीर्जीवन ०.५२, अन्य ३.२१ र व्यापार २.४५ प्रतिशतले घटेको छ ।

आज तीन कम्पनीको सकारात्मक सर्किट लागेको छ । हिमालयन लाइफ इन्स्योरेन्स, बिपिडब्ल्यु र सिटी होटलको सेयरमा सकारात्मक सर्किट लागेको छ । इङवा  हाइड्रोपावरका लगानीकर्ताले सर्वाधिक गुमाएका छन् ।

बुधबार कारोबार रकमको आधारमा आज सबैभन्दा धेरै हिमालयन लाइफ इन्स्योरेन्सको ८३ करोड ७० लाख ३६ हजार रूपैयाँको कारोबार भएको छ ।

त्यस्तै शिवम् सिमेन्टको २८ करोड २२ लाख ६७ हजार, सोल्टी होटलको २३ करोड ५६ लाख ३८ हजार, एशियन लाइफ इन्स्योरेन्स १९ करोड ५० लाख ७२ हजार र आइजिआइ प्रुडेन्सियल १७ करोड २७ लाख ७६ हजार रूपैयाँको कारोबार भइ शीर्ष पाँचमा प्रवेश गरेका छन् ।