काठमाडौं । युवा ब्याटर रोहित पौडेलले कीर्तिमानी शतक प्रहार गरेका छन् । पपुवा न्युगिनी (पिएनजी)विरुद्ध पौडेलले टियु क्रिकेट मैदानमा ९१ बलमा शतक प्रहार गरेका हुन् । यो नेपाली खेलाडीले एकदिवसीय खेलमा हानेको दोस्रो शतक हो । यस अघि पारस खड्काले युएईविरुद्ध पहिलो शतक प्रहार गरेका थिए ।

दोस्रो शतक रोहितको नाममा रह्यो । शतक हान्ने क्रममा रोहित र आरिफ शेखले पाँचौ विकेटको लागि १०४ रनको साझेदारी गरेका छन् । यो नेपाली खेलाडीको अहिलेसम्मकै उच्च साझेदारी हो ।

यस अघि रोहित र आरिफको नाममा एक सय रनको साझेदारी थियो । २९३ रनको लक्ष्य पछ्याएको नेपाली टिमले ४३ बलमा २४१ रन बनाएको छ । नेपाललाई ४२ बलमा ५२ रन जितका लागि आवश्यक छ ।