काठमाडौं । अर्जेन्टिनाका फुटबल स्टार लियोनल मेस्सी औपचारिक रूपमै इन्टर मियामीसँग अनुबन्धित भएका छन् । उनले अब यस क्लबबाट सन् २०२५ सम्म खेल्नेछन् ।

मेजर लिग सकर टोलीले मेस्सी औपचारिक रूपमा मियामीसँग अनुबन्धित भएको जनाउँदै सन् २०२५ सम्म उनले यो क्लबबाट खेल्ने जनाएको छ ।

३६ वर्षीय मेस्सीले गत वर्ष कतारमा सम्पन्न विश्वकपमा आफ्नो देश अर्जेन्टिनालाई उपाधि दिलाएका थिए ।

मेस्सीले इन्टर मियामीसँग जोडिन पाउँदा आफू निकै उत्साहित भएको जनाएका छन् । ‘इन्टर मियामी र संयुक्त राज्य अमेरिकामा मेरो करियरको अर्को चरण सुरु गर्न पाउँदा म निकै उत्साहित छु,’ मेस्सीले भने ।

लामो समयदेखि बार्सिलोनाका लागि चमत्कार गर्दै आएका मेस्सीले मियामी टोलीको भाग्य उल्टाउने अपेक्षा गरिएको छ ।