काठमाडौं । अन्तराष्ट्रिय मैत्रीपूर्ण फुटबल खेलमा अरु सबै ठूला टोलीले सुखद नजिता निकाल्दा बेल्जियम भने बराबरीमा रोकिएको छ ।
फिफा वरीयताको शीर्ष स्थानमा रहेको गएराति आयरल्याण्डसँग बराबरीमा रोकिएको हो ।

गएराति भएको खेलमा बेल्जियम घरेलु टोली आयरल्याण्डसँग २–२ गोलको बराबरीमा रोकिएको हो ।

खेलको २२ औं मिनेटमा मिची बात्सुआईले गोल गर्दै बेल्जियमलाई सुरुवाती अग्रता दिलाएका थिए ।

तर, खेलको ३५ औं मिनेटमा चिडोजी ओग्बेनेले गोल गर्दै घरेलु टोली आयरल्याण्डलाई १–१ गोलको बराबरीमा फर्काए ।

खेलको ५८ औं मिनेटमा हान्स भानाकेनले गोल गरेपछि बेल्जियमले २–१ को अग्रता लियो ।

त्यसपछि खेलको ८५ औं मिनेटमा एलन ब्राउनीले गोल गर्दै आयरल्याण्डलाई २–२ गोलको बराबरीमा ल्याएका हुन् ।

गएराति नै भएका अन्य खेलमा इंग्ल्याण्ड, स्पेन, जर्मनी, नेदरल्याण्ड्सजस्ता ठूला टोली विजयी भए । सबै ठूला टोलीले घरेलु मैदानमा खेल्दै जित निकालेका हुन् ।

इंग्ल्याण्डले स्विट्जरल्याण्डलाई २–१ ले हराउँदा स्पेनले पनि अल्बानियामाथि समान नतिजा निकाल्यो ।

जर्मनीले इजरायलमाथि २–० काे जित निकाल्यो ।

यस्तै, नेदरल्याण्ड्सले डेनमार्कमाथि ४–२ गोल अन्तरले हरायो ।