धर्ना बसेका ५० बढी निर्माण व्यवसायी प्रहरी नियन्त्रणमा
काठमाडौं । आफ्ना माग पूरा गराउने उद्देश्यले धर्नामा बसेका निर्माण व्यवसायीलाई प्रहरीले नियन्त्रणमा लिएको छ ।
ललितपुरको जावलाखेलस्थित सिंचाइ विभागमा तालाबन्दी गरेर आइतबार बिहान धर्नामा बसेका निर्माण व्यवसायीलाई प्रहरीले नियन्त्रणमा लिएको हो ।
आइतबार कार्यालय खुल्नुअघि विभाग पुगेका निर्माण व्यवसायीले मूल ढोकामा ताला लगाएका थिए । लगत्तै प्रहरीले धरपकड गरेर नियन्त्रणमा लिएको नेपाल निर्माण व्यवसायी महासंघले जनाएको छ ।
प्रहरीले महासंघका वरिष्ठ उपाध्यक्ष एडी लामा, उपाध्यक्ष प्रकाश सेट्टी, खिमप्रकाश मल्ल, उपमहासचिव नरहरिलगायत ५० जनालाई नियन्त्रणमा लिएर जावलाखेल प्रहरीमा राखेको छ ।
सबै आयोजनाको एकमुष्ट म्याद थप गर्नुपर्ने, बाँकी रहेको रकम भुक्तानी गर्नुपर्ने, ऐन तथा नियम निर्माण व्यवसायीमैत्री हुनुपर्नेलगायत माग राखेर निर्माण व्यवसायीहरू १४ साउनदेखि आन्दोलनरत छन् ।
ताजा अपडेट
-
सहकारी ठगीमा संसदीय समिति बनाउन सहमति, कानूनमन्त्रीको नेतृत्वमा मस्यौदा कार्यदल गठन
-
राष्ट्रिय परिचयपत्र हुनेले अब लाइसेन्स बोक्नु नपर्ने
-
२५ चालकमाथि चेकजाँच हुँदा ६ जनाले लागुऔषध सेवन गरेर सवारी चलाएको भेटियो
-
नेपाल प्रहरीका चार एसएसपीको डिआइजीमा बढुवा सिफारिस, यही ब्याचबाट आइजिपी हुने
-
ट्रकको ठक्करबाट धादिङमा मोटरसाइकल चालकको मृत्यु
प्रतिक्रिया