क्युवामा लकडाउनका कारण सडकभरि गगंटा भरिए
काठमाडौं । क्युवाको दक्षिणी तटीय क्षेत्रमा बसाइँसराइ गरेका गगंटाको संख्या तीव्र गतिमा बढ्दै गएपछि स्थानीयवासी समस्यामा परेका छन् । यसअघि त्यस क्षेत्रमा त्यति धेरै संख्यामा गंगटा देखा पर्दैनथे । लकडाउनभन्दा अघि गाडीमा चक्काले कुल्चिएर मर्ने भएकाले पनि गगंटाकाे संख्या बढ्न नपाएकाे हुन सक्थे तर विगत २ वर्षदेखिकाे बन्दले गर्दा उनीहरूले खुला ठाउँ पाएकाे स्थानीयकाे भनाइ छ ।
तर कोरोना महामारीका कारण लकडाउनका बेला खाली ठाउँ उपलब्ध भएपछि ती बाहिर निस्किन थालेको समाचार एजेन्सी रोयटर्सले लेखेको छ ।
क्युबाको बे अफ पिग्स वरपरका स्थानीय बासिन्दाहरूका अनुसार अहिले क्युवाको सडकमा यी गगंटाहरु खुलेर घुमिरहेका छन् ।
पानी पर्न थालेपछि जमिनबाट लाखौंको संख्यामा रातो, पहेँलो र कालो रंगका गगंटा निस्कने गरेको एन्जेल इरावलाले बताएकी छन् । एन्जेलका अनुसार बिहानदेखि बेलुकासम्मै गगंटा सडकमा निस्किन थालेपछि मानिसहरुले हिँड्ने बाटो पनि पाएका छैनन ।
समाचार एजेन्सी रोयटर्सको रिपोर्टका अनुसार क्युवाली वातावरण मन्त्रालयले कोरोना अवधिदेखि लगातार गगंटाको संख्या बढेको जनाएको छ । उनीहरुको संख्या अझै बढ्ने अनुमान गरिएको छ ।
यी गंगटाहरू कुनै पनि सवारी साधन, बस, घर र समुद्रको पर्खालमा घुमिरहन्छन् । तिनीहरू सडकमा यति धेरै फैलिएका छन्, टाढाबाट हेर्दा सडकहरु कार्पेटले ढाकिएको जस्तो देखिन्छ ।
यी गगंटाहरु सामान्यतया क्यारेबियन क्षेत्रमा क्युबा र बार्बाडोस जस्ता देशहरूमा पाइन्छ ।
ताजा अपडेट
-
२०२४ मा अस्ट्रेलियाको मुद्रास्फीति तीन प्रतिशतभन्दा कम हुने
-
ग्लोबल आइएमई बैंकलाई ग्लोबल फाइनान्सको ‘बेष्ट बैंक अवार्ड’
-
जसपाले फिर्ता लियो सरकारलाई दिएको समर्थन
-
कर्णाली करिडोरको यातायात ‘सिण्डिकेट’ तोड्न माग
-
नेपाल बीमा प्राधिकरणको ५६औं वार्षिकोत्सवका अवसरमा प्रभातफेरी कार्यक्रम
प्रतिक्रिया