काठमाडौं । विभिन्न हिन्दू संगठनहरुले आज धरानमा धार्मिक र्‍यालीको आयोजना गरेका छन् । सोही कारण उत्पन्न हुनसक्ने जोखिमलाई मध्य नजर गर्दे जिल्ला सुरक्षा समितिको बैठकले शुक्रबार राति १२ बजेदेखि शनिबार १२ बजेसम्म निषेधाज्ञा जारी गरेको छ ।

धार्मिक र्‍यालीले दुर्घटना निम्त्याउन सक्ने जोखिम रहेको भन्दै प्रशासनले सहर प्रवेशमा कडाइ गरेको छ। जिल्ला प्रहरी कार्यालय सुनसरीका प्रहरी उपरीक्षक प्रभु ढकालका अनुसार धरान प्रवेश तरहरा, नहडा, झण्डा चोक, पानबारी र भेडेटारमा सुरक्षा सतर्कता बढाइएको छ । र्‍याली लक्षित गरेर धरानमा ठूलो संख्यामा सुरक्षाकर्मी परिचालन गरिएको छ।

धरानका मेयर हर्क साम्पाङसहित सबै राजनीतिक दलका नेताहरु, पुर्व मेयरहरु, नागरिक अगुवाहरुले सबैलाई संयम अपनाउन अपिल गरेका छन्। उनीहरूले धार्मिक र सामाजिक सद्भाव कायम राख्न पनि अपिल गरेका छन्।

धरानमा गोरु काटेर खाएको र मन्दिर अगाडि चर्च बनाएको भन्दै हिन्दु समर्थकले प्रदर्शनको आह्वान गरेका हुन् ।