काठमाडौं । पाल्पामा भएको जीप दुर्घटनामा मृत्यु हुने तीनै जनाको पहिचान खुलेको छ ।

मृत्यु हुनेमा गुल्मीको रेसुंगाकी ५० वर्षीया मनकला चुँदारा, पोखराका ३१ वर्षीय विनोद तिमिल्सेना, जिल्ला प्रहरी कार्यालय गुल्मीमा कार्यरत प्रहरी सहायक हवल्दार यमबहादुर बोहोरा रहेका रहेका छन् ।

गुल्मीको तम्घासबाट पाल्पातर्फ जाँदै गरेको लु १ ज ४६०० नम्बरको जीप रिब्दीकोट गाउँपालिका-२ जोर्तेमा आज बिहान दुर्घटनामा परेको थियो ।

दुर्घटनामा घाइते भएकाहरुको पाल्पाको तानसेनस्थित लुम्बिनी मेडिकल कलेज प्रभासमा उपचार भइरहेको जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक वीरेन्द्र थापाले जानकारी दिए ।