काठमाडौं । चामल निर्यातको लगाएको प्रतिबन्ध भारतले लगाएको प्रतिबन्ध भुटान, सिंगापुर र मोरिससका लागि फुकुवा गरेको छ ।

भारतको विदेश व्यापार महानिर्देशनालयले तीन देशको लागि चामलमा लगाइएको प्रतिबन्ध फुकुवा गरिएको जनाएको हो ।

भारतले यी देशका लागि १.४३ लाख टन चामल निर्यात गर्नेछ । भारतले सरकारी तवरबाट मात्र भुटान, सिंगापुर र मोरिससलाई चामल निर्यात गर्न सक्ने व्यवस्था गरेको हो ।

तर भारतले चामल निर्यातको प्रतिबन्धमा नेपाललाई यथावत राखेको छ । प्रतिबन्ध हटाउन र चामल निर्यात गरिदिन नेपालको आग्रहलाई भारतले टेरेन ।

भारतले गत २० जुलाईमा चामल निर्यात रोकेको थियो । भारतले निर्यातमा प्रतिबन्ध लगाएसँगै नेपालमा चामलको भाउ ह्वात्तै बढेको छ ।