भारतीय खेलाडी र प्रशिक्षकले नेपाली खेलाडीलाई लगाइदिए मेडल
काठमाडौं । सोमबार एसिया कप क्रिकेट अन्तर्गत नेपाल र भारतबीच खेल भयो ।
पहिलो पटक एसिया कप खेलेको नेपाल भारतसँग दोस्रो खेलमा १० विकेटले पराजित भयो । तर पनि नेपालले सोमबार गरेको प्रदर्शनलाई लिएर सबैतिर प्रशंसा भइरहेको छ ।
नेपालले भारत विरुद्धविरुद्ध नेपालले गरेको आक्रामक ब्याटिङको चौतर्फी प्रशंसा भइरहेको छ । भारत विरुद्ध नेपालले २३० रन बनाएको थियो । वर्षाले प्रभावित खेलमा भारतले डीएलएस मेथडमा २३ ओभरमा १४५ रनको नयाँ लक्ष्य पायो ।
भारतले विकेट नगुमाएर लक्ष पुरा गर्यो । उक्त खेलपछि भारतीय टिमका खेलाडी र प्रशिक्षकले नेपाली टिमलाई मेडल लगाइदिएका थिए । ड्रेसिङ रुममा गएर नेपाली टिमलाई मेडल लगाइदिएका हुन् ।
भारत विरुद्ध उत्कृष्ट प्रदर्शन गरेका ओपनर ब्याट्सम्यान आसिफ शेख, दीपेन्द्र सिंह ऐरी र अलराउण्डर सोमपाल कामीलाई भारतीय खेलाडी र प्रशिक्षकलाई मेडल लगाइदिएको भिडियो क्यानले सामाजिक सञ्जाल फेशबुकमा राखेको छ ।
भारतका तर्फबाट स्टार ब्याटर विराट कोहलीले आसिफ शेख, हार्दिक पाण्ड्याले सोमपाल र प्रशिक्षक राहुल द्रविडले दीपेन्द्रलाई मेडल लगाइदिएका हुन् । प्रशिक्षक मोन्टी देसाईले ह्याप्पी ड्रेसिङ रुमको अभ्यास गर्दै आएका छन् ।
ताजा अपडेट
-
कांग्रेसले बोलायो केन्द्रीय कार्यसमिति र संसदीय दलको संयुक्त बैठक
-
वैशाख मसान्तसम्ममा ११ खर्ब ७७ अर्ब व्यापार घाटा
-
‘सभामुख पदमा आसिन व्यक्ति कुनै एक दलको इशारामा प्रयोग भयो’
-
कांग्रेसले आफ्नो भूमिकाबारे पुनर्विचार गर्नुपर्छ : उपाध्यक्ष पौडेल
-
सुर्खेत बस दुर्घटनामा दुई जनाको मृत्यु, २१ घाइते
प्रतिक्रिया