बाँकेमा रोकिराखेको ट्रकसँग बस ठोक्किँदा सातजनाको मृत्यु, २९ घाइते
नेपालगन्ज । बाँकेको राप्ती सोनारी गाउँपालिका शमशेरगन्जमा रोकिराखेको ट्रकसँग बस ठोक्किँदा चालकसहित सातजनाको मृत्यु भएको र २९ जना घाइते छन् ।
जिल्ला प्रहरी कार्यालय बाँकेका अनुसार दाङबाट नेपालगन्जतर्फ आइरहेको ना७ख २३२१ नम्बरको बस शुक्रबार राति सवा ९ बजे बिग्रेर रोकिराखेको ना४ख ६४०५ नम्बरको ट्रकमा ठोक्किएर दुर्घटना भएको हो । बसमा ४१ यात्रु रहेको प्रहरीले जनाएको छ ।
दुर्घटनामा परी बर्दियाका ठाकुरबाबा नगरपालिका– ९ का ५० वर्षीय काशीराम थारू, ५५ वर्षीया कस्तुरी थापा, ५० वर्षीया रूपा परियार, अन्दाजी ४० वर्षीया जयन्ती थारू, वडा नम्बर ७ का ६५ वर्षीय साधुराम थारू, वडा नम्बर ८ का ४५ वर्षका जुगबहादुर चन्दको मृत्यु भएको हो । अर्का मृतक सहचालक करिब ३५ वर्षीय पुरुषको नामथर खुलेको छैन ।
घाइते २९ जनाको मेडिकल कलेज कोहलपुरमा उपचार भइरहेको छ । जसमध्ये दुईजनाको अवस्था गम्भीर छ । तीव्र गतिका कारण दुर्घटना भएको प्रारम्भिक जानकारी पाएको प्रहरीले जनाएको छ ।
ताजा अपडेट
-
प्रधानमन्त्रीको विश्वासको मत संकटमा !
-
नेपाली सेनाका क्याप्टेन हिरासतमा
-
संसदमा रवि लामिछानेको टेलिभिजन प्रस्तोताको शैली, गगनदेखि चित्रबहादुरसम्मलाई संगिन आरोप
-
श्रीलंकामा आर्थिक संकटका कारण रोकिएको विद्यार्थीको स्वास्थ्य बिमा कार्यक्रम पुनः सञ्चालन
-
‘केटी काण्ड’ले प्रहरी जवानको हत्या
प्रतिक्रिया