काठमाडौं । नेकपा एमालेका अध्यक्ष केपी शर्मा ओलीले सुवास नेम्बाङ आफ्ना लागि पार्टीको उपाध्यक्ष मात्रै नभइ हितैषी मित्र र सुख दुःखको साथी रहेको भनी स्मरण गरेका छन् ।

ओलीले सामाजिक सञ्जालमा लेखेका छन्, ‘मेरा लागि उहाँ पार्टीको उपाध्यक्ष मात्र होइन, हितैषी मित्र र सुख दुःखको साथी हुनुहुन्थ्यो। लोकतान्त्रिक संविधान निर्माण गर्न उहाँले पुर्याउनुभएको योगदान सधैं सम्झिरहने छौँ।’

मृदुभाषी र विनम्र स्वभावका साथी भन्दै उनले भावपूर्ण श्रद्धाञ्जली व्यक्त गरेका छन् । उनले लेखेका छन्, ‘मृदुभाषी, विनम्र, शालीन मेरो साथी सुवास नेम्बमङप्रति भावपूर्ण श्रद्धाञ्जली ! उहाँका जीवनसंगिनी र परिवारजनमा गहिरो समवेदना व्यक्त गर्दछु। श्रद्धाञ्जली सुवासजी !’

सामान्य रुघाखोकी लागेर घरमा आराम गरिरहेका नेम्वाङलाई गएराति हृदयघात भएपछि उपचारका लागि राति १ः ३० बजे त्रिवि शिक्षण अस्पताल लगिएकामा उपचारको क्रममा त्यहीँ निधन भएको थियो ।