काठमाडौं । एसिया कप अन्तर्गत भारतविरुद्धको अर्थहिन खेलमा बंगलादेशले खराब सुरुवात गरेको छ ।

श्रीलंकाको आर प्रेमदसा रंगशालामा भारतले टस जितेर बंगलादेशलाई ब्याटिङको निम्तो दिएको हो । ५ ओभरको खेल खेल्दै गर्दा बंगलादेशले ३ विकेटको नोक्सानी ब्यहोर्नु परेको छ ।

भारतीय बलरसामु बंगलादेशी ब्याट्सम्यान निरिह बनेका छन् । खेलको दोस्रो ओभरको पहिलो बलमै ओपनर ब्याट्सम्यान लिट्टन दास बिना रन आउट भए । उनलाई मोहम्मद शामीले बोल्ड गराएका हुन् ।

लगत्तै तेस्रो ओभरमा पनि बंगलादेशले एक विकेट गुमाउनु पर्यो । बंगलादेशले दोस्रो विकेटकारुपमा तान्जित हसन तामिमलाई गुमायाे ।उनलाई शार्दुल नरेन्द्र ठाकुरले बोल्ड गराए ।

तान्जितले १२ बल खेल्दै १३ रन बनाए । त्यसपछि ५ औँ ओभरको चौँथो बलमा मोहम्मद इनमुल हक विजयलाई ठाकुरले केएल राउलबाट क्याच आउट गराए । उनले ११ बल खेल्दै ४ रन जोडेका थिए ।

अहिले १२ औ ओभरको खेल चलिरहेको छ । बांगलादेशले ३ विकेटको क्षतीमा ५८ रन जोडेको छ । बंगलादेशको खेलमा केहि सुधार भने आएको छ । अहिले क्रिजमा छन्, मेहदी हसन मिराज र शकिब अल हसन ।

भारत जारी प्रतियोगिताको फाइन पुगिसकेको टोली हो । बंगलादेश एसिया कपबाट बाहिरिसकेको छ । यसर्थ, यो खेल जसले जिते पनि यसको प्रतियोगिताका खासै अर्थ राख्दैन ।

यद्यपि, प्रतिष्ठाको लडाइँको रुपका यो खेल हेरिएको छ । अर्थहीन खेल भएपनि भारत बंगलादेशमाथि वर्चश्व कायम राख्न शतप्रतिशत जीतकै खोजीमा हुनेछ । अर्कोतिर बंगलादेश भने बलियो भारतलाई हराउँदै अप्रत्यासित नतिजा निकाल्न चाहन्छ ।

प्रतियोगिताको फाइनल खेल आइतवार भारत र श्रीलंकाबीच हुनेछ ।