देशभरका अस्पतालमा आकस्मिकबाहेकका सेवा बन्द
काठमाडौं । नेपाल चिकित्सक संघले आइतबार देशभरका स्वास्थ्य संस्थाहरूमा आकस्मिक सेवा बाहेकका सम्पूर्ण सेवाहरू बन्द गरेको छ।
गत बुधबार हेटौंडाको सन्चो अस्पतालमा कार्यरत डा. विकास थापा र डा. प्रशान्त विडारीमाथि बिरामीका आफन्तहरूबाट भएको कुटपिटको घटनामा संलग्नहरूलाई पक्राउ गरी कारबाही गर्न माग गर्दै नेपाल चिकित्सक संघको आह्वानमा ओपीडी सेवा बन्द गरिएको हो ।
आकस्मिक सेवा बाहेक अन्य सेवा ठप्प हुँदा बिरामीहरू मर्कामा परेका छन्। कुटपिटमा संलग्न दोषीहरूलाई कानुनी दायरामा नल्याएको भन्दै संघले आइतबारदेखि आन्दोलनको घोषणा गरेको हो।
संघले डाक्टरहरुलाई कुटपिट गर्नेहरुलाई ७२ घण्टाभित्र कारबाहीको दायरामा ल्याउन अल्टिमेटम दिएको थियो। तर, सो समयअवधिसम्म पनि कारबाही नगरिएको भन्दै संघले आज सबै स्वास्थ्य संस्थाहरुमा आकस्मिक बाहेकका सेवा बन्द गरेको हो ।
ताजा अपडेट
-
रवि लामिछानेविरुद्ध सर्वाेच्चमा अर्काे रिट
-
ठमेलमा प्रहरीको अप्रेसनः अनैतिक गतिविधिमा संलग्न नौ विदेशी महिलासहित २१ जना पक्राउ
-
मन्दिर निर्माणमा घुस, बानेश्वरबाट दुई इन्जिनियर रंगेहात पक्राउ
-
धूमपान र सुर्तिजन्य पदार्थको प्रयोगबाट मुखको क्यान्सर बढ्दो
-
सुशासन कायम गर्न भ्रष्टाचार अन्त्य गर्नुपर्छ : अध्यक्ष नेपाल
प्रतिक्रिया