एजेन्सी । भारतमा गणेश चतुर्थीको अवसरमा धेरै सेलिब्रेटीले आ–आफ्नो घरमा गणेश भगवानको मूर्ती स्थापना गर्छन् । धार्मिक रूपमा फरक आस्था राखेपनि बलिउड सेलिब्रेटीहरू गणेश चतुर्थीमा एकसाथ देखिएका हुन्छन् ।

यसपटकको गणेश चतुर्थीमा हाँस्य कलाकार भारती सिंह भने भावुक रूपमा प्रस्तुत भइन् । आफ्नो घरमा स्थापना गरेको गणेशको मूर्तिलाई विसर्जन गर्ने क्रममा उनी भावुक भएकी थिइन् ।

विसर्जन हुनु भन्दा अघि भएको गणपति आरतीमा भावुक हुनबाट भारतीले आफूलाई रोक्न नसकेको भिडियो यतिबेला सामाजिक सञ्जालतिर बाहिरिएको छ ।

आफू यो पर्वसँग भावानात्मक रूपमा जोडिएको बताउने भारती भन्छिन्, ‘म पहिलेदेखि नै गणेश भगवानको मूर्ति स्थापना गर्छु । उहाँलाई विदाई गर्न पटक्कै मन पर्दैन । गणेश जीको विदाईमा म भावुक भएँ ।’

विगत एक दशकदेखि हाँस्य कलाकारको रुपमा परिचित भारतीले ‘द ग्रेट इन्डियन लाफ्टर च्यालेन्ज’ बाट आफ्नो यात्रा सुरु गरेकी थिइन् । पछि उनी आफ्ना श्रीमान हर्ष लिम्बाचियासँग धेरै टिभी शो होस्ट गर्दे देखिएकी थिइन् ।

यी दवै दम्पत्तिले ‘खतरो के खिलाडी’ र ‘ नच बलिए’ जस्ता रियालिटी टिभी शोहरुमा पनि भाग लिएका थिए ।
उनीहरुबाट एक छोरा पनि छन् ।